ఎ. కె. ప్రభాకర్ తెలుగు బ్లాగుల వ్యాఖ్యలు

వ్యాసం చాలా వివరణాత్మకంగా బాగుంది. వ్యాసకర్త కొండలరావు గారు ఇండియా వచ్చి అగమ్య గమ్యాలు రచయిత ముకుంద రామారావు గారిని కలిసి తమ తమ అనుభవాలు పంచుకున్న విషయం తెలిసి చాలా సంతోషించాను. అయితే దక్షిణాఫ్రికాకు రామారావు గారి పూర్వికులు కూలీలుగా వెళ్ళలేదు. ఇండెచర్ లేబర్ కు తెలుగులో వలస కార్మికులు సరైన పదం. కూలీ పదాన్ని శ్వేత జాతీయులు మనవారిని నీచంగా అవమానించడానికి అగౌరవంగా వాడేవారు. దానికి వ్యతిరేకంగా ఆత్మగౌరవ స్వరం వినిపించిన వారిలో గాంధీజీ ప్రముఖుడు. ముకుంద రామారావు తన పుస్తకంలో ఈ విషయం బలంగా ప్రస్తావించారు. కొండల రావు గారూ మీరు కూడా కూలీ పదాన్ని తొలగించి కార్మికులు అని రాస్తే బాగుంటుంది.