గుమ్మడిదల రంగారావు తెలుగు బ్లాగుల వ్యాఖ్యలు

హనుమంతరావు గారి వ్యాసం ఆద్యంతం ఆసక్తికరంగా సాగింది. అసలు ఇది వ్యాసంలా లేదు. రచయిత మన ముందు కూర్చుని మన కళ్లలోకి చూస్తూ చేసిన ఉపన్యాసంలా సాగిన conversational style narrative పాఠకులను ఆకట్చటుకునేలా బాగుంది. మొదటి పేరా చూశాక గదికి సరిపోయే కంప్యూటర్ మొదలు నేడు అన్నం తినే కంచం అంత జాగాలో ఇమిడే ల్యాప్ టాప్ వరకు జరిగిన పరిణామ క్రమం గురించి చెబుతారని అనిపించింది. కానీ, ఇది వ్యాస పరంపర అంటున్నారు గనక కంప్యూటర్ పరిణామ క్రమం గురించి మరొక వ్యాసంలో చెబుతారని ఆశిస్తున్నాను. అయితే ఎలక్ట్రిక్ కనిపెట్టక మునుపు ఎడిసన్ ఏ దీపపు కాంతిలో ప్రయోగాలు చేశారో చెబితే బాగుండేది అనిపించింది. ఈ వాక్యం చదువుతుంటే ప్రముఖ కథా రచయిత, మా గురువుగారు కీ శే పెద్దిబొట్ల సుబ్బరామయ్య గారు గుర్తుకొచ్చారు. మనం అనునిత్యం వాడే బల్బు కాంతిలో మనకి కనిపించని అనేక విషయాలు తెలిపిన హనుమంతరావు గారికి అభినందనలు.