డా. మూర్తి జొన్నలగెడ్డ తెలుగు బ్లాగుల వ్యాఖ్యలు

రాధిక గారు,

నమస్కారం. ఆకర్షణీయమైన అంశం. బాగా రాశారు.

సినీ తారలు, సహోద్యోగులు మొదలగు వారు చాలా కాలం సామీప్యంలో గడపడం కేవలం శారీరక ఆకర్షణకే కాక, వారి ప్రవర్తనను, వ్యక్తిత్వాన్ని దగ్గరగా చూసి అర్థం చేసుకోవడం వల్ల అంతర్గత సౌందర్యాన్ని చూసి సంబంధం ఏర్పరచుకునే అవకాశం కూడా ఉందికదా!

నేను చెప్పదల్చుకున్నది ఏమిటంటే, ఈ ఆకర్షణ ఇది అని ఒకే రకమైన కారణం చెప్పగలిగే అంత సులభమైనది కాదు, నిజ జీవితం అని. విశదీకరణ కోసం విడి విడిగా చెప్పవచ్చనుకోండి.

మంచి, చెడు అన్నవి సాపేక్షంగానే ఉంటాయి కదా, అందు వల్ల, ఏ అలవాటైనా, మనం దానికి బానిస అవ్వనంత వరకు పరవాలేదు అని నా భావన. సూర్యుని వలన ఈ ప్రపంచం అంతా నడుస్తోంది కదా. అది మంచిది అనుకుందాం, అలాగని ఆ మంచి దగ్గరగా భూమి పయనిస్తే, మనందరం మాడి మసైపోతాంకదా! ఆకర్షణలు ఉండాలి, వాటినుంచి మనల్ని మనం నియంత్రించుకోుని నిరంతరం భూమి ఒక కక్ష్యలో తిరిగినట్లుగా ఆకర్షణలకు తగిన దూరం పాటిస్తూ, లబ్ధి పొందాలని నా భావన. పరిమితంగా తీసుకుంటే విషం ఔషధం అవుతుంది, పరిమితి మించితే ఔషధం విషం అవుతుంది. అందువల్ల నేనెప్పుడూ మంచి, చెడులను నిర్వచించి ప్రబోధించే బృహత్ ప్రయత్నం ఎపుడూ చేయలేదు.