మాలతి తెలుగు బ్లాగుల వ్యాఖ్యలు
ఉచితంగా ఇక్కడ అందుబాటులో పెట్టినందుకు ధన్యవాదములు,
వనజగారూ,
ఏనుగు అంబారీ కథ చదివేను.
నేను 46ఏళ్ళగా ఈదేశంలో ఉన్నా సమాజంలో ఎవరితోనూ కలవలేదు కనక నాకు చాలా విషయాలు తెలీవు. నేను వచ్చినకొత్తలో ఇక్కడ డాలర్లంటే బోలెడు రూ. అని అనుకుంటారనుకున్నాను కానీ అది ఇంకా మారలేదని మీకథ చూసేకే అర్థమయింది. కూటికి పేదయితే కులానికి పేదా అన్న సామెతని మీరు ప్రత్యేకమైన పద్ధతిలో వాడడం నాకు నచ్చింది. అలాగే "మీనాన్నకి ఆమెపై ఎందుకంత జాలి"లాటివి కూడా సూక్ష్మంగా ఆలోచిస్తే తప్ప తోచవు. మీరు బాగానే పసి కట్టినట్టున్నారు మనిషితత్వం. నిజానికి మీరు రాసిన ఒకొక సంఘటన విడిగా మరో మంచి కథ కాగలదు. ఒక నవలకి సరిపడా సరుకుంది ఈ కథలో.
మంచికథ. బహుమతి గెలుచుకోగలకథ. మరొకసారి అభినందనలు.
నేను మెంతికూర ఎప్పుడూ వాడలేదు కానీ అలసందగింజలతో ఇలాగే చేస్తాను. బాగుంటుంది
నోరి నరసింహశాస్త్రిగారి రుద్రమదేవి నవల నాకు ఎక్కువ నచ్చింది బాపిరాజు గారి గోనగన్నారెడ్డి కంటే. కూడా. ఇంతకాలం రుద్రమదేవి ఎవరూ సినిమా తీయలేదేం అనుకుంటూ ఉన్నాను. తీస్తున్నారని తెలిపినందుకు సంతోషం. సినిమా చూసేక చెప్పండి ఎలా ఉందో.
మాలతి
శ్రీ కొంపెల్ల శర్మగారికి,
నేను ముందు పంపిన వ్యాఖ్యను దయచేసి తొలగించగలరు. నేను పొరపాటు పడ్డాను. నావద్ద ఉన్నది మూడో సంపుటము.
మీవ్యాసము చూచి చాలా ఆనందించేను. అభినందనలు.
శ్రీ శర్మగారికి
నమస్కారం. మీవ్యాసం అనేక విషయాలతో సమగ్రమైన రచన. ధన్యవాదాలు.
నేను ఇటీవల పిలకా గణపతిశాస్త్రిగారి ప్రాచీనగాథాలహరి చూడడం తటస్థించింది. ఆ పుస్తకానికి ముందుమాటలో రచయిత మూడు సంపుటాలు ప్రచురించదలుచుకున్నట్టు చెప్పేరు. మిగతా రెండు సంపుటాలు ప్రచురణ జరిగిందా. మీకు తెలిస్తే చెప్పగలరు.
మాలతి
రుద్ర త్వమేవాహాన్నీ శ్రీ శ్రీ మహాప్రస్తానాన్నీ అందులో ఏంవుందీ తెలీకముందు ఆ కవితా ప్రవాహాన్ని ప్రాసల్ని పదబంధాల్ని పెద్దగా చదివేసి సంతోషపడేవాళ్లం .- :)) బాగా చెప్పేరండీ. అప్పట్లో తెలుగు మనభాషమ్మా, మనం తప్పకుండా నేర్చుకోవాలి అని పని గట్టుకు చెప్పవలసి వచ్చేది కాదు.
సత్యవతిగారూ, నా ఎగస్ట్రా వ్యాఖ్యలు తీయమంటే మీరు తియ్యలేదు. ఈలోపునే నేను మళ్ళీ వచ్చేసి పూర్తిగా చదివేను. మీ అనుభవాలు చూస్తుంటే నాకు ఈర్ష్యగా ఉంది. నాక్కూడా ఇలా రాయాలని ఉంది....
నా మనసు మురుస్తుంది చల్లని వాతావరణాన్ని ఆస్వాదిస్తూ… — బంగాళాఖాతం హోరూ, ఎవరిఆశలు ఆడియాసలుచేస్తుందోనన్న ఆందోళనలూ – వీటిమధ్య మీ మనసు మురిసిపోవడం అసాధారణమయిన కాన్సెప్ట్. చక్కగా రాసేరు. చిన్నకవితలా ఉంది. అభినందనలు. మీకు నాకథ నచ్చినందుకు కూడా సంతోషం ఇక్కడే వెలుబుచ్చుకుంటాను.
– మాలతి
నాకు చాలా ఎక్కువగా నచ్చిన బహు కొద్ది ఫారిన్ సినిమాలలో ఇదొకటి. మరోసారి గుర్తు చేసినందుకు ధన్యవాదాలు
:)) ఇలాటి టపాలు చూసి పత్రికలు నేర్చుకుంటాయనుకోను కానీ బ్లాగురులు మరింత మంచి తెలుగు రాయడానికి తోడ్పడవచ్చు. అంటే ఇప్పుడు రాయడం లేదని కాదు. ఇంకా బాగా రాస్తారనీ...
బాగుందండీ, మీకీలుగుర్రంతో మొదలుపెట్టి వాస్తవమైన సమస్యని పాఠకులముందు పెట్టడం. కథ చక్కగా సాగింది.
మాలతి