వెంకట రాజారావు . లక్కాకుల తెలుగు బ్లాగుల వ్యాఖ్యలు

విన్నకోట విబుధు లన్న మనోఙ్ఞము
బ్లాగు లందున కనబడమి గాంచ
కాస్త కొఱత యౌట కనుపట్టె , వారిని
గూర్చి తెలియ బరుచ కోరుకొందు .

నవ్వగ నేలా మిము గని ?
నివ్వటిలెడు ఘనత గలదు , నేర్పు గలదు , మీ
మవ్వపు వైదుష్యము గని
అవ్వారిగ గౌరవంబు లందింతు సదా ! 🙏

ణిసిధాత్వర్థపు హేలల
నసిధారావ్రతముగా మన తెలుగు కవనాం
భసి మధియించి మధుఝరుల్
విసురు జిలేబీ ఘనులకు వేల నమస్సుల్ 🙏

ఏ మహితాత్ముని ధామమ్ము శాంతికి
చిరునామగా విలసిల్లు చుండు ?
ఏ మందిరము మహనీయమై తర తమ
భేదాలు లేక  శోభిల్లు చుండు ?
ఏ మూర్తిని స్పృశించి యిరవొంద నానంద
పారవశ్యము వీలు పడుచు నుండు ?
ఎచ్చోట దూరాలు , హెచ్చుబాటులు తగ్గి
అందరొక్కటి గాగ  నలరు చుంద్రు ?

ఏ యనఘు దర్శనముచేత హాయి గలుగు ?
కోర్కెలీరేడు  , కష్టాలు గూలి పడును
ఆతడే సాయి - జనులలో నమ్మక మిది
నమ్మకమె దైవమయి నిల్చు  , వమ్ము గాదు .

శ్రధ్ధా , సబూరిలు చక్కగా పాటించ
             హితబోధ చేసిన హితు డితండు
రెండు రూపాయల దండి దక్షిణ గొని
             కష్టాలు బాపిన ఇష్ట సఖుడు
రోగార్తులను తాకి  రుజ బాధలను బాపి
            తాననుభవించిన త్యాగ శీలి
' సాయి ! కాపాడ  రారా  ' యన్న తక్షణ
            మాదుకొను కరుణామయు డితండు

సర్వ దేవతా సత్తాక సద్గురుండు
సాయి నాధుండు –  తమ మనసార కోరి
చరణములు తాకి తరియింత్రు సకల జనులు
శరణు శరణంచు వేడి   ప్రశాంతి బొంద .
                                                                                                              
చాలిక వద్దండి  చాలయెక్కువయింది
గురుస్థాన స్థితులకు కూడని పని
కోటాను కోట్ల భక్తుల మనోభావాల
హననకు దిగకండి  ఆర్తి రగులు
అసలిదేమి ఘనత ?  పస గలదేని _ ప్ర
జా సమస్యలు లేవ ? చక్క దిద్ద
చదువు చెప్పించండి  సంస్థలు నెలకొల్పి
వైద్య మందించండి ఉద్యమించి

పేద వాళ్ళకీరెండె లాభించుగాని
" సాయి " _ దేవుడా ? కాదన్న చర్చ కాదు
అసలిదేమి రగడ ? ఆపరా ? యికైన
భరత సంస్కృతి కాదిది పరము లార !
           
పాద పూజకుగాని , ప్రవచనాలకుగాని
కానుక లడిగెనా కాంక్షదీర ?
రజిత సింహాసన రాజ భోగాలలో
మనసార తేలెనా తనివి దీర ?
తలకు గెడ్డాలకు తలలోని తలపుకు
నల్ల రంగలదెనా యుల్లమలర ?
ఏసీ గదులు కార్లు వాస యానాలకు
తనివార వాడెనా మనసుదీర ?

తిరిగి నాలుగిళ్ళు తెచ్చి భిక్షాన్నంబు
అనుచరులకుబెట్టి యపుడు తినెను
చిరుగుబొంత కట్టి సిరులిచ్చె జనులకు
సాయితోడ మీకు సామ్య మేల ?

ఆహా ! జిలేబి సారుకు
మోహము తెను గన్న , అందుమూలముగా , ఆ
దాహము తీరే దాకా
ఓహో ! యన తెలుగుభాష కున్నతి దెచ్చున్ .

తాతకు క్రావడి యొప్పును
త్రాత యనగ తెనుగుభాష రక్షకుడు సుమా !
ఏతా వాతా తమరును
ఈ తీరున తెలుగు భాష కేడుగడ కదా !

ఆయు రారోగ్య భాగ్య సౌఖ్యాల నిచ్చి
నవ వసంతంబు మిమ్ముల నడుపు గాత !
నవ నవోన్మేష సంతోష యవనికలకు
బాట లిడుగాక ! క్రొత్త సంవత్సరమ్ము .

మన మెవరయ్యా ! అతడికి
మనసైతే దప్ప , ఇదిగొ మానేస్తా నం
చన , మాచన ! కర్తలమా ?
విను , నడిపించెడి యతండు విష్ణుం డయ్యా !

పరగ నన్ను నేను పట్టించుకోలేను
లేరు నన్ను జూచు ప్రియ మనుజులు
ఉన్న చోట కుదురు గుండుటయేమేలు
కోరి పడుట కీడు , సారి 🙏 , విబుధ !

పుట్టి నూరిలోని మట్టి వాసనలోనె
కలదు తల్లి మనసు ఘనము గాను
కన్న తల్లి వోలె కడుపులో బెట్టుక
పెంచి పెద్దజేసె ప్రియము గాను .

ఊరు రమ్మంటోంది (పండుగకు)

కోరిక కాశిలొ గడపగ ,
తీరున మలి వయసులోన , తేకువ కలదా ?
శారీరక రుగ్మతలను
ఏ రీతి జయించ గలను ? యిల్లే ముదమౌ .

పాలకుల మతాధిపతుల దుర్మార్గాలు
నిరసించి ప్రశ్నించి నిలిచినాడు
పీడిత తాడిత పేదల పక్షాన
ధీరుడై అండగా పోరినాడు
జనజీవనమున నిజానిజాలను దెల్పి
ప్రజలను చైతన్య పరచినాడు
అన్యాయ తీర్పు దౌష్ట్యానికి గుర్తుగా
సిలువపై ప్రాణాలు విడిచినాడు

భూమిపై దిగి వచ్చి ఈ పుణ్యమూర్తి
ప్రజల కోసము బ్రతికి ఈ ప్రజల కొఱకు
అమరు డైనాడు క్రీస్తు , మహాను భావ !
మరల రావయ్య , యొకమారు , మహికి తండ్రి !
(నేడు జీసస్ జయంతి )

ఇంటిలో నాటిన నింటిల్లపాదికీ
ప్రాణవాయువొసగి రక్షసేయు
బస్టాండులో నాట పదిమందితో నీకు
దీవన లిప్పించు పావనముగ
దేవాలయమ్ములో దీపించినాటిన
దేవుని కృపగల్గితీరు నీకు
తగ స్మశానవాటి తరువు నాటినవాడు
జన్మజన్మలకీర్తి జాతు డగును

చెట్టు నాటుము , శ్రీరస్తు, చెలిమికాడ!
పుట్టువుకు సార్థకమ్మగు, గిట్టికూడ
బతికియుందువు, చెట్టురూపాన, వంద
లేళ్ళు, భూమిపై చావు జయించి సఖుడ !

వినుడు విబుధ ! 'విన్నపములు'
మనమంతా కనపడేది మన్నన గల యీ
ఘన బ్లాగుల ద్వారానే ,
కనుమరుగయి పోవుటేల ? కలగా మిగులున్ .

'ఆనందో బ్రహ్మ' యనగ
సానందిత నేత్రయుగళి సాయుజ్యమునన్
మీనాక్షి మనసు దేహము
ఆనందపు నాట్యహేల లందు తరించెన్ .

పిల్లా పిల్లా యనుచున్
పిల్లెనకల బడుట తమకు ప్రియమాయె దొరా!
అల్లాడి పోతు ముదిమిని
ఉల్లము రంజిల్ల నెట్లు ? ఓ షోకిల్లా !

బండి రావుగారు బహు హుషారుగ నుండి
రందువలన ఊహ లందు దేలి
పిల్ల పిల్ల యనుచు పిల్లెనక బడిరి
పడిన నేమి ? జరుగుబాటు కలదు .

ఆట వెలది పద్యం
------------------------
రాము డన్న సాయిరాముడే గుర్తొచ్చు
భక్త జనుల మదికి ప్రబలి నేడు
కృష్ణు డనగ సాయికృష్ణుడే కనిపించు
సకల దేవత లుండు సాయి యందె .

చాలా బాగా వచ్చింది .

చదివితి నేనుగూడ , కడు సంతసమాయె గతమ్ము త్రవ్వగా ,<br />మదికి లయించునట్టు లలనాటి మహాత్ములు బోధచేసి , రా<br />చదురులు ఙ్ఞప్తిచేసితిరి , చాల ఘనంబు , కృతఙ్ఞతాంజలుల్ 🙏,<br />పదె పదె నాటి పద్యములు భావన జేతుము గాదె !యిప్పుడున్ .