శర్మ దంతుర్తి తెలుగు బ్లాగుల వ్యాఖ్యలు

ఇటువంటివి రాసేముందు ఈ వైరముత్తు గారు రాసిన కధో, కవితో అందించాలి పాఠకులకి, పూర్తిగా కాకపోయినా కొంచెం అయినా. ఆయనకి అవార్డ్ వచ్చింది సరే, వచ్చిన కధో, కవితో, మరోటో ఎలా వుందో ఇక్కడ తెలుగు పాఠకులకి (కనీసం తొంభై శాతం తమిళం మాట్లాడ్డం వచ్చినా చదవడం, రాయడం రాకపోవచ్చు కనక) తెలిస్తే బాగుంటుంది కదా? పద్మశ్రీ తిరస్కరించిన జయామోహన్ గారు కూడా – ఈయనకి అవార్డ్ ఇవ్వడం గురించి, ఏదో ఉత్తరం రాసారు అవార్డ్ కమిటీకి అని చదివినట్టు గుర్తు. జయామోహన్ గారు కాకపోతే మరొకరు.

దేశంలో పద్మ అవార్డులూ, ఈ అవార్డులు ఎలా వస్తాయో, రప్పించుకుంటారో జగమెరిగిన సత్యం. కొన్ని నెలలు అందరూ ఏదో అనుకుంటారు, తర్వాత అన్నీ మామూలుగానే జరిగిపోతూ ఉంటాయి. ఇచ్చినమ్మ వాయినం తీసుకున్నమ్మ వాయినం. మిగతా వాళ్ళు ఎలా ఏడిస్తే ఎవరిక్కావాలి? ఏదైనా మారుతుందా? అబ్బే కాదు నిజమైన టాలెంట్ ఉన్నవాళ్ళకే అవార్డ్ ఇవ్వాలని అనుకోవడం – ఆంధ్రా తెలంగాణా, ఒరిస్సా జిల్లాలలోంచి భారత నేషనల్ టీం లోకి కుంటుకుంటూ వచ్చిన (రప్పించబడిన అనాలేమో) క్రికెట్ ఆటగాడికి కెప్టెన్సీ ఆశించడం లాంటిదే.

మొదట్లో కేర్ లేస్ గా చదవడం, మర్చిపోవడం వల్ల “మనస్లు” అంటే మనసులు అనే మాటని తప్పుగా రాసారు అనుకున్నాను. 🙂 మొత్తానికి అర్ధం అయింది లెండి. ఈ రోజున ఈనాడులో వచ్చిన ఈ వార్త చదివారా? శేషగిరిగారికి కానీ ఇది అనుభవం అయిందా, కనీసం చూడడంలో గానీ వినడంలో గానీ?