Rao Vemuri తెలుగు బ్లాగుల వ్యాఖ్యలు

శర్మ గారూ,

మీరు లేవదీసిన రెండు ప్రశ్నలకి సాధికారంగా సమాధానాలు ఇవ్వగలిగే ప్రజ్ఞ నాలో లేదు. అయినా నాకు తోచిన సమాధానాలు ఇస్తాను.

దోమలని అదుపులో పెట్టడం మీద machine learning బాణం ప్రయోగించిన అనుభవం కాసింత ఉంది కాబట్టి ఆ సందర్భంలో సేకరించిన సమాచారపు సారాంశాన్ని ఇక్కడ పొందుపరుస్తున్నాను. దోమలు కొందరిని కరవడానికి (కుట్టడానికి) ఎక్కువ మక్కువ చూపుతాయి. ఈ “అభిమానానికి” అనేక కారణాలు ఉన్నాయి. వాటిలో అగ్రగణ్యమైనవి: జన్యు సంప్రదాయం, శరీరపు రసాయనతత్త్వం, పర్యావరణ కారణాలు.

జన్యుసాంప్రదాయం: దోమలకి O జాతి రక్తం అంటే ఎక్కువ ఇష్టం. కొందరి శరీరాలలో చయాపచయ ప్రక్రియలు (metabolic activities) ఎక్కువ జోరుగా జరుగుతాయి. ఈ వ్యక్తులు ఎక్కువ కార్బన్ డై ఆక్సయిడ్ (CO2) ని, వేడిని విడుదల చేస్తారు. భారీ శరీరాలు ఉన్నవారూ, గర్భిణీలు కూడా ఎక్కువ కార్బన్ డై ఆక్సయిడ్ ని విడుదల చేస్తారు. దోమలకి ఈ రెండూ ప్రీతికరమైన పదార్థాలు. అంతేకాదు. కొందరి శరీరాలనుండి వెలువడే వాసన (కంపు) దోమలకి ఇష్టం!

ముదురు రంగు బట్టలు దోమల్ని ఆకర్షిస్తాయి.

జనమేజయుడు సర్పయాగం చేయబూని విఫలం అయినట్లు మనం “దోమ యాగం” చెయ్యబూనుకోవడం నిరర్ధకం అని నా అభిప్రాయం. మనం చెయ్యగలిగేదల్లా మనం సంచరించే స్థావరాలలో దోమలు నివసించడానికి ప్రతికూలమైన వాతావరణం కల్పించడమే.

పొతే, మీరు అడిగిన రెండవ ప్రశ్నకి సమాధానం. ఎండలో నిలబడి (పడుక్కుని) చర్మాన్ని కముల్చుకోవడం (కాల్చుకోవడం) అంత అభిలషణీయమైన ప్రక్రియ కాదు. మరీ పాలిపోయినట్లు ఉన్న చర్మం అందంగా ఉండదని, తాత్కాలికమైన ఫలితం కోసం తెల్ల వారు గంటలకొద్దీ ఎండలో పడుకుంటారు. కానీ, ఈ ఆచారం చర్మానికి “ముసలి రూపు” తొందరగా తీసుకు వస్తుంది. పైపెచ్చు కేన్సరు వంటి రోగాలు రాడానికి అవకాశాలు పెరుగుతాయి.

ఎండలో ఉండే హానికరమైన అత్యూద కిరణాల ధాటి నుండి రక్షణ పొందడానికి కనీసం SPF (Sun Protection Factor) 50 ఉన్న లేపనాలు వాడాలి. ఇవి కూడా వాటి ప్రభావాన్ని నాలుగైదు గంటలు మాత్రమే చూపుతాయి. ఇటువంటి రక్షక లేపనాలు వాడినంత మాత్రాన విటమిన్ డి తయారీకి ఆటంకం రాకూడదు. ఎందుకంటే రోజూ చేతులకి, కాళ్ళకి, ముఖానికి 15 నిమిషాలు సూర్యరశ్మి తగిలితే చాలు మనకి కావలసిన విటమిన్ తయారవుతుంది. అంతకీ అవసరమైతే ఒక మాత్ర వేసుకోవచ్చు.

ఎప్పటిలాగే బాగుంది . తెలుగులో సైన్సు రాయలేమని ఎవరన్నారు? ముందుకొచ్చి మరొకసారి ఆనండి. Insulator కి బంధకి అన్న పేరు చాలనుకుంటాను. విద్యుత్ బంధకి electrical insulator అవుతుంది. కావలిస్తే heat insuator ని అప్పుడు తాప బంధకి అనొచ్చు.

జయదేవ్ గారికి: వ్యాసం నచ్చిందని చెప్పినందుకు ధన్యవాదాలు. “మితి మీరి” అన్న పై వాక్యం లోని సందర్భాన్ని తరువాయి వాక్యం లోని “అన్న” గారి మీద వ్యాఖ్యానానికి అన్వయించుకోవాలి.